CONGRESO ESTATAL EPA 2023

Este congreso ten como finalidade propiciar o coñecemento e a aplicación das directrices transformadoras na aprendizaxe e a educación de persoas adultas (AEA) que emanan de institucións internacionais, así como compartir e estender as boas prácticas levadas a cabo polos diferentes axentes do Estado español implicados na aprendizaxe ao longo da vida.

O congreso ten un dobre formato: o espazo presencial, que terá lugar na Facultade de Educación da Universidade de Alicante, e o espazo virtual, que se celebrará de forma simultánea en streaming.
Co fin de dotar de contido o espazo virtual, durante as franxas horarias destinadas á presentación de boas prácticas ou ao laboratorio de proxectos en formato presencial, as personas asistentes en remoto terán ao seu dispor unha galería de vídeos coas comunicacións do congreso.

Para formalizar a inscrición gratuíta no congreso, debe completarse telematicamente o Formulario xeral de inscrición de participación (formulario A) dispoñible na sección «Inscrición» no prazo que se estende desde o día 15 de decembro de 2022 ata o día 15 de febreiro de 2023, ambos incluídos, con indicación expresa do tipo de participación, presencial ou na Rede, que se desexa.

O dereito ao certificado de aproveitamento por asistencia ou participación axústase aos criterios establecidos pola Orde EDU/2886/2011, de 20 de outubro, pola que se certificará a todas aquelas persoas que asistisen, polo menos, ao 85% sobre o tempo total do congreso.

O congreso ten una duración de 12 horas de formación, sendo estas as horas que o INTEF certificará ás persoas participantes que reúnan os requisitos establecidos.
Para poder proceder a esta certificación, as personas participantes deberán acreditar, por medio da recollida de sinaturas en formato presencial ou do rexistro de conexións en formato a distancia, a asistencia durante o tempo mínimo previsto. Neste segundo caso, as persoas deberán deixar constancia do seu seguimento a través de evidencias puntuais en forma de preguntas ou intervencións na Rede durante o desenvolvemento dos espazos comúns do congreso, así como mediante o visionado dos vídeos dispoñibles na galería de vídeos no momento no que as personas que participan presencialmente se atopen realizando actividades prácticas.

1) Presentación de propostas de intervención no congreso.
As persoas interesadas en presentar intervencións de proxectos de centro ou experiencias de boas prácticas (relatorios e comunicacións para os diferentes espazos ol congreso) poderán realizalo enviando a súa proposta ao comité científico a través do enderezo electrónico 03402061.fpa+congres@edu.gva.es, seguindo as indicacións que figuran no Formulario de solicitude para a presentación de propostas de intervención (formulario B) da sección «Inscrición».
No caso de que unha persoa realice a súa intervención en vídeo nunha lingua autonómica cooficial diferente ao castelán, deberase incrustar a correspondente subtitulación en castelán.

2) Presentación de recursos para a sala de exposición.
As persoas ou, se procede, as asociacións ou entidades interesadas en exhibir na sala de exposición todo tipo de recursos, materiais e experiencias prácticas (publicacións e revistas, carteis e pósters, recursos didácticos, imaxes e audiovisuais, etc.), vencellados coa proxección e difusión da aprendizaxe ao longo da vida no seu centro ou na contorna, poderán facelo enviando a súa proposta ao comité organizador a través do enderezo electrónico 03402009.fpa@edu.gva.es, dacordo coas indicacións que figuran no Formulario de solicitude para reserva de espazo na sala de exposición (formulario C) da sección «Inscrición».
As persoas que participan na sala de exposición comprométense a acudir ao congreso cos recursos que se presenten, así como a estar dispoñibles na zona expositiva no horario establecido a tal efecto.
O envío de todas estas propostas de intervención permanecerá aberto entre os días 15 de decembro de 2022 e 15 de xaneiro de 2023.

Dada a necesidade de axustar o tempo das intervencións do congreso, a duración para a exposición de proxectos de centro ou experiencias de boas prácticas seleccionadas polo comité científico é de 15 minutos.

As propostas de intervención presentadas en tempo e forma serán avaliadas, en cada caso, polo comité científico ou polo comité organizador, que deberán elixir aquelas propostas que respondan a criterios de adecuación ás áreas de debate, idoneidade, calidade e diversidade de voces no ámbito da educación de persoas adultas.
No caso das persoas seleccionadas polo comité científico para a presentación presencial, a organización asumirá os gastos correspondentes a desprazamento e aloxamento e estas terán que enviar a presentación da súa intervención ata o día 28 de febreiro de 2023.
Pola súa parte, as persoas que sexan seleccionadas polo comité científico para a presentación virtual, terán que enviar gravada a súa intervención co formato e as características indicadas. O prazo para o envío do vídeo será o día 12 de febreiro de 2023.
Finalmente, as persoas ou, se procede, as asociacións ou entidades seleccionadas polo comité organizador para participar na sala de exposición terán que pórse en contacto con este comité a fin de axustar as condicións e necesidades expositivas. Os contactos con este comité efectuaranse ata o día 28 de febreiro de 2023.
Nos tres casos, enténdese que aquelas persoas seleccionadas que, nos prazos establecidos, ben no remitisen ao comité científico a documentación requirida, ou ben non contactasen co comité organizador, renuncian expresamente á súa intervención no congreso.

Os comités científico e organizador son os encargados de comunicar antes do día 31 de xaneiro de 2023 a aceptación ou non das intervencións presentadas e de enviar ás persoas ou entidades seleccionadas instrucións relativas a formato, tempo e contidos en función ben do formato de presentación (relatorio, mesa redonda, obradoiro, laboratorio, etc.) asignado en cada caso, ou ben das condicións da sala de exposición.